Kompani: “Qalib gəlməyin yolunu tapmışdıq”

“Bernli”nin baş məşqçisi Vensan Kompani komandasının İngiltərə Premyer Liqasına vəsiqə qazanmasını şərh edib.

Komanda.az “Sky Sports”-a istinadən xəbər verir ki, o, “Bu qədər tez vaxtda əsas çempionata vəsiqə qazana biləcəyinizi düşünürdüz” sualını belə cavablandırıb:

“Xeyr. Sona yeddi tur qalmış biz bunu gerçəkləşdirdik. Premyer Liqaya yüksələcəyimizə ümid edirdik, amma bu qədər tez olacağını gözləmirdik. Bəzən hadisələr nə qədər tez olsa, bir o qədər yaxşı olur.

Qalib gəlməyin yolunu tapmışdıq. Onu da deyim ki, bu, heç də asan olmadı. 2022/23 mövsümündə yaxşı nəticə əldə etdik. Daha da güclənəcəyimizi bilirik. Bizi maraqlı gələcək gözləyir”.

Belçikalı mütəxəssisin çalışdırdığı “Bernli” Çempionşipdə 87 xalla birinci yerdədir. Onlar ən yaxın izləyicisini 11 xal qabaqlayır.