“Qalatasaray”ın yeni baş məşqçisi bəlli oldu

Türkiyənin “Qalatasaray” komandasının yeni baş məşqçisinin adına rəsmən aydınlıq gəlib.

Komanda.az xəbər verir ki, İstanbul təmsilçisini bundan sonra Domenek Torren çalışdıracaq.

Bu barədə klubun rəsmi saytı məlumat yayıb. İspaniyalı mütəxəssis, həmçinin onun köməkçiləri ilə müqavilələrin müddəti və digər detalları açıqlanmayıb.

Torren son olaraq “Flamenqo”nun baş məşqçisi olub. 59 yaşlı mütəxəssis “Barselona”, “Bayern” və “Mançester Siti” kimi klublarda Xosep Qvardiolanın köməkçisi kimi də çalışıb.