“Qalatasaray”ın müdafiəçisi sıradan çıxıb

“Qalatasaray”ın heyətində ciddi itki baş verib.

Komanda.az xəbər verir ki, “sarı-qırmızılar”ın müdafiəçisi Abdulkərim Bardakçı sıradan çıxıb.

Türkiyə millisinin üzvü Super Liqanın 21-ci turunun “Trabzonspor”la matçında (5:1) zədələnib. 29 yaşlı mərkəz müdafiəçisi ən azı iki həftə yaşıl meydanlardan uzaq qalacaq.

Abdulkərim bu mövsüm “Qalatasaray”ın heyətində bütün turnirlərdə meydana çıxdığı 32 matçda 5 qol vurub.