“Qalatasaray”ın futbolçusu millidə koronavirusa yoluxdu

Türkiyənin “Qalatasaray” klubunun futbolçusu Ryan Babel koronavirusa yoluxub.

Komanda.az Türkiyə mətbuatına istinadən xəbər verir ki, əvvəlki üç testi neqativ nəticələnən niderlandlı futbolçunun 4-cü test nəticəsi pozitiv olub.

Millinin düşərgəsində olan futbolçu özünü yaxşı hiss etmədiyini bildirdikdən sonra komandadan uzaqlaşdırılıb və daha sonra onda koronavirus aşkarlanıb. Onun millinin Polşa ilə oyununda forma geyinməyəcəyi dəqiqləşib.