“Qalatasaray”dan İngiltərə klubuna təklif

“Tottenhem”in yarımmüdafiəçisi Covanni Lo Çelso karyerasını Türkiyədə davam etdirə bilər.

Komanda.az xarici KİV-ə istinadən xəbər verir ki, İstanbul klubu 27 yaşlı argentinalı futbolçu üçün transfer təklifi edib.

Futbolçunun İngiltərə klubu ilə hazırkı müqaviləsi 2025-ci ilə qədər nəzərdə tutulub.

Lo Çelso 2022/23 mövsümündə icarə əsasında “Vilyarreal”da çıxış edib. O, bütün yarışlarda 29 oyuna çıxıb, 2 qol vurub və 3 məhsuldar ötürmə verib.