“Qalatasaray”dan ayrılan futbolçu İstanbulun digər klubuna keçdi

Türkiyənin “Qalatasaray” klubundan ayrılan futbolçu Rayan Donkun yeni klubu bəlli olub.

Komanda.az xəbər verir ki, 35 yaşlı yarımmüdafiəçi “Kasımpaşa” ilə anlaşıb.

Bu barədə sözügedən klubun rəsmi saytı məlumat yayıb. İstanbul təmsilçisi niderlandlı oyunçu ilə 1+1 illik müqavilə imzalayıb.

Qeyd edək ki, Rayan Donk 2016-cı ildən “Qalatasaray”da çıxış edirdi. O, 2013-2016-cı illərdə də “Kasımpaşa”nın formasını geyinib.