Türkiyə kubokunda 1/16 finala yekun vuruldu

Futbol üzrə Türkiyə kubokunda 1/16 final mərhələsinə yekun vurulub.

Komanda.az xəbər verir ki, bu mərhələdə cütün qalibi bir oyunda müəyyənləşib.

İlk oyun günündə beş qarşılaşma baş tutub. Super Liqa təmsilçilərindən “Kasımpaşa” “Muğlaspor”u, “Rizəspor” “Əskişəhərspor”u, “Yeni Malatyaspor” isə “Hekimoğlu Trabzon”u böyük hesabla məğlub edərək növbəti mərhələyə yüksəlib. “Göztəpə” isə “Bursaspor”la gərgin keçən oyunda məğlub olaraq mübarizəni dayandırıb. “Qalatasaray” da “Darıca Gənclərbirliyi” səddini bir qolla keçib.

İkinci oyun günündə də beş görüş baş tutub. Elita təmsilçilərindən “Ərzurumspor” “Erokspor”u, “Alanyaspor” “Adanaspor”u darmadağınla mübarizədən kənarlaşdırıbsa, “Qaziantep” “Kocaelispor”la, “Fənərbaxça” da “Karacabey Bələdiyəspor”la oyunlarda çətin qələbə sayəsində mərhələ adlayıb. Kubokun son qalibi “Trabzonspor” isə mübarizəni dayandırıb. Sözügedən komanda “Adana Dəmirspor”la oyunda penaltilərlə uduzub.

Sonuncu gündə daha altı oyun keçirilib. Super Liqa klublarından “Konyaspor” “Altınordu”nu, “Antalyaspor” “Boluspor”u, “Sivasspor” “Girəsunspor”u, “Başakşəhər” “Turqutluspor”u, “Beşiktaş” isə “Tarsus İdman Yurdu”nu məğlub edərək növbəti mərhələyə vəsiqə qazanıb. Yalnız “Gənclərbirliyi” “Tuzlaspor”la görüşdən məğlub ayrılaraq mübarizəni dayandırıb.

Türkiyə kuboku
1/16 final

15 dekabr

Kasımpaşa – Muğlaspor 5:0
Rizəspor – Əskişəhərspor 3:0
Yeni Malatyaspor – Hekimoğlu Trabzon 5:0
Göztəpə – Bursaspor 4:5
Qalatasaray – Darıca Gənclərbirliyi 1:0

16 dekabr

Ərzurumspor – Erokspor 5:1
Qaziantep – Kocaelispor 3:2
Alanyaspor – Adanaspor 5:1
Trabzonspor – Adana Dəmirspor 2:2 (penaltilər 3:4)
Fənərbaxça – Karacabey Bələdiyəspor 1:0

17 dekabr

Gənclərbirliyi – Tuzlaspor 0:2
Konyaspor – Altınordu 3:1
Antalyaspor – Boluspor 1:0
Sivasspor – Girəsunspor 1:0
Başakşəhər – Turqutluspor 7:0
Beşiktaş – Tarsus İdman Yurdu 3:1