“Qalatasaray” milli üzvünü transfer etdi

Türkiyənin “Qalatasaray” klubu heyətini yeni futbolçu ilə gücləndirib.

Komanda.az Türkiyə mətbuatına istinadən xəbər verir ki, “sarı-qırmızılar” Misirin “Zəmələk” klubundan Mustafa Məhəmmədi heyətinə qatıb. Klubun 23 yaşlı futbolçunu 1,5 illik icarəyə götürdüyü bildirilir. “Qalatasaray” bunun üçün qarşı tərəfə 2 milyon dollar ödəyəcək.

Misirli futbolçunun müqaviləsində transfer hüquqlarını almaq bəndi də var. “Cim-bom” bunun üçün qarşı tərəfə əlavə 4 milyon dollar ödəməli olacaq.

Məhəmməd Misir millisində 4 oyunda iştirak edib.