“Bu, PSV üçün rekord transfer ola bilər”

PSV-nin idman direktoru Marsel Brands hücumçu Kodi Qakponun “Liverpul”a mümkün keçidini şərh edib.

Komanda.az İtaliya mətbuatına istinadən xəbər verir ki, o, bu barədə açıqlama verməyəcəklərini bildirib:

“Kodi Qakponun transferi ilə bağlı heç bir açıqlama verməyəcəyik. Lakin bu, PSV üçün rekord transfer ola bilər”.

Öncədən niderlandlı futbolçunun “Liverpul”la 5 illik müqavilə imzalamağa hazır olduğu bildirilib. Sözləşmənin məbləği 45 milyon avro olaraq dəyərləndirilir.