Super Liqada 2-ci dövrənin oyun cədvəli məlum oldu

Qadın voleybolçular arasında Azərbaycan Super Liqasında 2-ci dövrənin növbəti oyunlarının keçirilmə yeri və vaxtı dəqiqləşib.

Komanda.az xəbər verir ki, ölkə çempionatının 5-ci tur qarşılaşmaları fevralın 8-də və 11-də keçiriləcək.

Fevralın 8-də öncə meydana “Abşeron” və “Azərreyl” komandaları çıxacaq. Oyun saat 16:00-da başlayacaq. Saaat 18:00-da isə “Murov” – UNEC duelinə start veriləcək.

Fevralın 11-də 2-ci dövrənin son oyunları keçiriləcək. 6-cı turun ilk qarşılaşması saat 16:00-da “Abşeron” –“Murov” komandaları arasında olacaq.

Dövrəyə “Azərreyl” – UNEC görüşü ilə yekun vurulacaq. Oyunun start fiti saat 18:00-da veriləcək. Hər iki turun görüşləri Azərbaycan Voleybol Federasiyasının idman zalında təşkil olunacaq.

Koronavirus pandemiyası səbəbindən karantin qaydalarına uyğun keçirilən oyunlara azarkeşlər buraxılmayacaq.