Qadın və kişi futbolçulara eyni məbləğ ödəniləcək

ABŞ kişi və qadın milli komandalarının oyunçularına bərabər məbləğdə mükafat verəcək.

Komanda.az xəbər verir ki, bu barədə ABŞ Futbol Federasiyasının yaydığı bəyanatda bildirilir:

“Hər iki kollektivə eyni iqtisadi şəraitə görə bərabər maaş veriləcək. Bu razılaşmalarla ABŞ Futbol Federasiyası dünyada dünya çempionatında iştiraka görə qadın və kişi milli komandalarına verilən pul mükafatını bərabərləşdirən ilk federasiya olub”.

Qeyd olunur ki, ABŞ milli komandalarının kişi və qadın futbolçuları dünyanın ən yüksək maaş alanlarından birinə çevriləcək.