Karvahal: “Qətər mənim üçün növbəti iş yeri ola bilər”

“Real”ın müdafiəçisi Dani Karvahal karyerasını harada davam etdirə biləcəyi haqda danışıb.

Komanda.az “Ekip” nəşrinə istinadən xəbər verir ki, o, karyerasının sonlanmağına az qaldığını deyib:

“Artıq 32 yaşım var. Daha bir neçə il oynayacam, ancaq bu, o qədər də uzun deyil. Yaxın Şərqə səyahət? Bunun bir növ dəlilik olduğunu düşünmürəm. Bayaq dedim ki, “Real”dan ayrılsam, Avropada oynamayacam. Qətər mənim üçün növbəti iş yeri ola bilər”.

Karvahal 2013-cü ildən Madrid klubunda çıxış edir. Ümumilikdə o, 427 matçda iştirak edib, 14 qol vurub və 65 məhsuldar ötürmə verib. Futbolçu hazırda çarpaz bağ zədəsini sağaldır.