“Çempionata qələbə ilə başlamaq vacib idi”

“Mançester Yunayted”in futbolçusu Bruno Fernandes İngiltərə Premyer Liqasının birinci turunun “Vulverhempton”la görüşünü (1:0) dəyərləndirib.

Komanda.az “BBC Sport”-a istinadən xəbər verir ki, o, yaxşı performans sərgiləmədiklərini dilə gətirib:

“Çempionata qələbə ilə başlamaq vacib idi. O qədər də yaxşı performans sərgiləməsək də, qələbə üçün əlimizdən gələni etməyə çalışdıq. Ən azı bir qol vurmağımız önəmli idi”.

Ölkə çempionatının 2-ci turunda MY “Tottenhem”lə, “canavarlar” isə “Brayton”la qarşılaşacaq.