“Qəbələ”nin rəqibindən yeni transfer

Avropa Konfrans Liqasının 2-ci təsnifat mərhələsində “Qəbələ”nin rəqibi olan Macarıstan “Fehervar”ı növbəti transferini həyata keçirib.

Komanda.az xəbər verir ki, klub bosniyalı Faruk Hodjiçi heyətinə qatıb. Bu barədə əvvəl Bosniya və Herseqovinanın “Sarayevo” klubunda çıxış etmiş 18 yaşlı yarımmüdafiəçi öz “instaqram” səhifəsində paylaşım edib. Amma “Fehervar” hələ bununla bağlı rəsmi açıqlama yaymayıb.

“Qəbələ” – “Fehervar” oyunu iyulun 28-də keçiriləcək. Qəbələ şəhər stadionunda keçiriləcək oyun saat 20:00-da başlayacaq. Macarıstandakı ilk görüşdə meydan sahibləri 4:1 hesabı ilə qalib gəlib.