“Qəbələ” 2 yoxlama oyunu keçirəcək

“Qəbələ” 2021/22 mövsümünün hazırlıqlarını davam etdirir.

Komanda.az klubun saytına istinadən xəbər verir ki, yay toplanışına iyulun 5-də start verən “qırmızı-qaralar” məşqlərini Qəbələ şəhər stadionunda gerçəkləşdirir.

Elmar Baxşıyevin yetirmələri ayın 15-dək doğma arenada hazırlıq keçəcək. Toplanışın ilk mərhələsini başa vurduqdan sonra komanda Bakıya yollanacaq.

“Qəbələ” paytaxtda iki yoxlama görüşü keçirəcək. “Qırmızı-qaralar” ilk sınağına iyulun 16-da çıxacaq. Əyalət təmsilçisi “Zirə” ilə üz-üzə gələcək. Beş gün sonra Baxşıyevin yetirmələri “Səbail”lə qarşılaşacaq.