“Qəbələ” 2 futbolçusunu itirdi

“Qəbələ” komandasının iki futbolçusu Azərbaycan kubokunun 1/4 finalında “Qarabağ”a qarşı keçirilən cavab görüşündə zədələnib.

Komanda.az xəbər verir ki, əyalət klubunun heyətində müdafiəçi Vinko Medimoreç və qapıçı Anar Nəzirov ilk hissənin sonlarında xəsarət alıb. Xorvat futbolçunun yerinə oyuna albaniyalı Yurqen Roxa daxil olub. Nəzirovu isə Tərlan Əhmədli əvəzləyib. Nəzirov ilk hissənin sonunda rəqibin yarımmüdafiəçisi Abdullah Zubirlə toqquşub və penaltiyə səbəb olub.

Qarşılaşmada ikinci hissə oynanılır və “Qarabağ” 3:0 hesabı ilə öndədir. Ağdam təmsilçisi ilk görüşdə rəqibini 3:1 hesabı ilə məğlub edib.