“Qəbələ” bu gün “Olimpiakos”la qarşılaşacaq

“Qəbələ”nin U-19 komandası UEFA Gənclər Liqasında bu gün növbəti oyununu keçirəcək.

Komanda.az xəbər verir ki, “qırmızı-qaralar” 2-ci təsnifat mərhələsində ilk oyuna çıxacaq.

Famil Xəlilovun yetirmələri Yunanıstan “Olimpiakos”unu qəbul edəcəklər. Qəbələ şəhər stadionunda baş tutacaq qarşılaşmaya saat 16:00-da start veriləcək. Görüşü gürcüstanlı hakim Qoqa Kikaçeişvili idarə edəcək.

Bu komandalar arasında cavab oyunu noyabrın 29-da Yunanıstanda keçiriləcək.

“Qəbələ” 1-ci təsnifat mərhələsində Macarıstanın “Puşkaş Akademiya” komandasını üstələyib – 1:1, 1:0.