“Milan”dan “Çelsi”yə 14 milyon avroluq təklif

“Milan” “Çelsi”nin hücumçusu Kristian Pulişiç üçün London klubuna şifahi olaraq 14 milyon avro təklif edib.

Komanda.az “The Athletic”-ə istinadən xəbər verir ki, “zadəganlar” amerikalı futbolçunu daha yüksək qiymətə satmaq fikrindədir. Pulişiçin özü artıq İtaliya klubu ilə şəxsi razılıq əldə edib.

24 yaşlı futbolçu 2019-cu ilin yanvarından “Çelsi”də çıxış edir. Onun klubla hazırkı müqaviləsi 2024-cü ilin iyununa qədərdir.

O, 2022/23 mövsümündə Premyer Liqada 24 oyuna çıxıb, bir qol vurub və eyni sayda məhsuldar ötürmə edib.