“Pul mənim üçün hər zaman sonuncu şey olub” – Buffon

“Yuventus”un keçmiş qapıçısı Canluici Buffon bir futbol klubunun idman direktoru olmaq istədiyini bildirib.

Komanda.az xarici KİV-ə istinadən xəbər verir ki, İtaliya millisinin keçmiş üzvü bu vəzifənin çətin olduğunu deyib:

“32 illik futbolçu kimi idman direktoru olmaq çətin məsələdir. Bu sahədə işləmək üçün təkcə futbol təcrübəsi kifayət etmir. İstənilən səviyyədə idman meneceri üçün hüquqi, iqtisadi və idarəetmə hazırlığı əsasdır.

Mənim bəxtim gətirib və karyeramda çoxlu hisslər keçirmişəm. 28 yaşında B Seriyasında “Yuventus”da qalmaq və dünya çempionu olmaq çılğın görünsə də, bu, məni və uşaqlıqda nəyə inandığımı əks etdirən seçim idi. Pul isə mənim üçün hər zaman sonuncu şey olub”.