“Monpelye”dən inamlı qələbə, “Strasburq”dan darmadağın

Fransa Liqa 1-də 30-cu tura yekun vurulub.

Komanda.az xəbər verir ki, turun açılış oyununda “Lion” səfərdə “Renn”in qonağı olub. Qonaqlar bu görüşdə minimal hesabla qalib gəliblər.

İkinci oyun günündə də bir görüş baş tutub. “Marsel” doğma meydanda “Anje” ilə üz-üzə gəlib. Balotellinin vurduğu iki erkən qol sayəsində önə keçməsinə baxmayaraq, meydan sahibləri qalan dəqiqələrdə bu üstünlüyü əldən veriblər və matç heç-heçə başa çatıb.

Turnir cədvəlinin vahid lideri PSJ “Tuluza” səfərinə yollanıb. Paris təmsilçisi bu oyundan minimal hesabla qalib ayrılıb.

“Monako” bu turda “Kan” ilə qarşılaşıb. “Knyazlıq klubu” bu görüşdən məğlubiyyətlə ayrılıb.

“Sent-Etyen” doğma meydanda “Nim”lə üz-üzə gəlib. Hesabı qonaqlar açsa da, sonda meydan sahibləri əzmkar qələbəni bayram ediblər.

Son oyuun günündə iki görüş baş tutub. “Monpelye” doğma meydanda “Genqam”ı 2 cavabsız qolla üstələyib. “Strasburq” isə “Reyms”lə ev oyununda darmadağına imza atıb.

Fransa Liqa 1, 30-cu tur

29 mart

Renn – Lion 0:1
Qol: Terrye, 86.

30 mart

Marsel – Anje 2:2
Qol: Balotelli, 4; 16 – Manqani, 36-pen; 77-pen.

31 mart

Monako – Kan 0:1
Qol: Krivelli, 23.

Dijon – Nitsa 0:1
Qol: Melu, 60.

Amyen – Bordo 0:0

Nant – Lill 2:3
Qol: Eysserik, 54-pen. Kulibali, 56 – Leao, 62. Pepe, 68-pen. Bamba, 69.

Tuluza – PSJ 0:1
Qol: Mbappe, 74.

1 aprel

Sent-Etyen – Nim 2:1
Qol: Kabelya, 24. Beriç, 79 – Bobişon, 2.

3 aprel

Monpelye – Genqam 2:0
Qol: Delor, 22. Ristiç, 79.

Strasburq – Reyms 4:0
Qol: Da Kosta, 45; 76-pen. Qonçalves, 46; 69.

Bombardir: Kilian Mbappe (PSJ) – 28 qol.