PSJ-dən sponsorla yeni müqavilə

PSJ “Qatar Airways” şirkəti ilə yeni müqavilə imzalayıb.

Komanda.az xəbər verir ki, bu barədə Paris klubunun rəsmi saytı məlumat yayıb.

Tərəflər arasında əməkdaşlıq 2028-ci ilə qədər davam edəcək. Şirkətin loqosu komandanın oyun və məşq formalarında görünməyə davam edəcək.

PSJ Fransa çempionatının 19 turundan sonra 47 xalla turnir cədvəlinə başçılıq edir. Luis Enrikenin komandası 2-ci yerdə qərarlaşan “Marsel”i 10 xal qabaqlayır. Komandanın növbəti oyunu UEFA Çempionlar Liqasının ümumi mərhələsində, yanvarın 29-da “Ştutqart”la olacaq.