“PSJ son illərdə Liqa 1-də bütün komandalardan üstündür”

İtaliyanın “Roma” klubunun futbolçusu Xavyer Pastore açıqlama verib.

Komanda.az “TyC Sports”a istinadən xəbər verir ki, 30 yaşlı futbolçu, keçmiş klubu PSJ və bu komandanın hücumçusu Neymarla bağlı danışıb:

“PSJ son illərdə Liqa 1-də bütün komandalardan üstündür. Çempionlar Liqasında isə fərqlidir, orda bir saniyə belə dayanmaq olmaz.

Neymar dünyada “1 nömrə” olmaq istəyir və bunun üçün onun şansı var. O, çox çalışır, meydanda göstərdiyindən daha artığını edə bilər. Karyeranızın zirvəsinə çatmağa kömək edəcək doğru komandanı doğru zamanda tapmalısız, amma bu, heç də asan deyil. Lionel Messi və Kriştiano Ronaldonun səviyyəsinə çatmaqdan danışırıq, amma Neymarın potensialı var”.

Pastore 2011-2018-ci illərdə PSJ-nin şərəfini qoruyub.