Donnarummanın əli-qolu bağlandı, evi qarət olundu

PSJ-nin qapıçısı Canluici Donnarumma oğurluğun qurbanı olub.

Komanda.az “Actu17”-yə istinadən xəbər verir ki, Parisdə 24 yaşlı futbolçunun evinə bir neçə kişi girərək, qapıları sındırıb. Donnarumma və həyat yoldaşının əl-qolu bağlanılıb.

Zərər 500 min avro dəyərində qiymətləndirilir. Futbolçu və həyat yoldaşı evin yaxınlığındakı otelə yerləşib. Daha sonra onlar xəstəxanaya aparılıblar.

Cinayəti Parisin banda əleyhinə briqadası araşdıracaq.