“Milli komanda mənsiz daha yaxşı olacaqsa, getməyə hazıram” – Mbappe

PSJ-nin hücumçusu Kilian Mbappe “Lequipe” nəşrinə açıqlama verib.

Komanda.az xəbər verir ki, 22 yaşlı futbolçu Fransa milli komandasındakı çıxışı haqda danışıb:

“Fransa millisində oynadığım üçün bir avro belə almamışam. Hər zaman pulsuz oynamışam və belə də davam edəcəm. Milli üçün heç vaxt problem yaratmaq istəməmişəm. Ancaq daha sonra milli üçün problem olduğumu hiss etdim. Digər insanlar da bunu hiss etməyə başladılar. Dedilər ki, eqolusan və belə olmağın Fransa yığmasının məğlubiyyətinə səbəb oldu və mən olmasaydım, qələbə qazanılardı.

Milli komanda hər bir kəs üçün çox vacibdir. Milli komanda mənsiz daha yaxşı olacaqsa, getməyə hazıram. Fransa Futbol Federasiyasının rəhbəri Noel Le Qre ilə Yunanıstanda görüşdüm və bu məsələləri müzakirə etdik”.

Mbappe Fransa millisiylə 49 oyunda 17 qol vurub.