“Bəli, özümü ulduz sayıram” – Mbappe

PSJ-nin futbolçusu Kilian Mbappe açıqlama verib.

Komanda.az xarici mətbuata istinadən xəbər verir ki, fransalı hücumçu, özünü ulduz hesab etdiyini deyib:

“Özümü ulduz hesab edirəmmi? Bəli, özümü ulduz sayıram. Ulduz olmaq bir statusdur. Bu, məni digərlərindən daha yaxşı etməz.

Yüksək səviyyəli futbolda heç kim sizə endirim etməz və ya nəyəsə qadir olduğunuzu deməz. Özünüzü kim olduğunuza inandırmalısız. Eqo və özünü sevmək ulduzların şıltaqlığı deyil. “Mən ən yaxşıyam” demək istəyi üçün mümkün olan hər şeyi edirik.

Futbolçular dost olmağa məcburdurlar? Xeyr. Necə ki, çörəkçiyə başqa çörəkçilərlə dostluq etmək lazım deyil. Qələbə qazanmaq üçün komanda yoldaşlarınızla hər gün nahar etmək məcburiyyətində deyilsiz”.