“Real”ın təklifini rədd etdim” – Mbappe

PSJ-nin futbolçusu Kilian Mbappe bir neçə il əvvəl İspaniyanın “Real” klubundan transfer təklifi aldığını açıqlayıb.

Komanda.az xəbər verir ki, 22 yaşlı hücumçu bu barədə Fransa mətbuatına açıqlamasında deyib. O, 2014-cü ildə “Real”dan təklif aldığını, lakin ailəsinə görə Fransada qalmağı seçdiyini bildirib:

“Ailəm karyerama Fransada başlamağımı, burda oxumağımı istədi. Onlar bu seçimimin daha yaxşı olacağını dedilər. 2014-cü ildə İspaniyaya getdim, Zinəddin Zidan, Kriştiano Ronaldo ilə tanış oldum. Ancaq “Real”ın təklifini rədd etdim.

Mən hər zaman mübarizə aparmağı sevirəm. Rahat olmağı xoşlamıram. Bu hiss məni daha da yaxşı edir”.

Mbappe 2014-cü ildə “Monako”nun aşağı yaş qruplarında çıxış edirdi. Hücumçu 2015-ci ildə bu komandanın əsas heyətinə cəlb edilib, 2018-ci ildə isə 145 milyon avro qarşılığında PSJ-yə transfer olunub.