“Atletiko”nun hədəfi – PSJ-nin futbolçusu

PSJ-nin və Uruqvay millisinin yarımmüdafiəçisi Manuel Uqarte karyerasını İspaniya çempionatında davam etdirə bilər.

Komanda.az “Todofichajes”-ə istinadən xəbər verir ki, 23 yaşlı yarımmüdafiəçi ilə “Atletiko” maraqlanır.

Futbolçunun transfer dəyəri 45 milyon avro qiymətləndirilir və onunla hazırkı klubu arasındakı müqavilə 2028-ci ilin iyun ayının sonuna qədər nəzərdə tutulub.

Uqarte ötən mövsüm Fransa çempionatında 25 oyun keçirib, 2 məhsuldar ötürmə edib.