Veynaldum İngiltərəyə qayıtmaq istəyir

PSJ-nin futbolçusu Corcinyo Veynaldum klubu tərk etmək istəyir.

Komanda.az xəbər verir ki, niderlandlı yarımmüdafiəçi Paris klubunda oyun praktikasının azlığından narazıdır. Bu barədə İngiltərə mətbuatı məlumat yayıb.

Veynaldum PSJ-ni tərk etmək istəyir. O, mövsümün sonuna qədər İngiltərə klublarından birinə icarəyə keçmək niyyətindədir. Paris təmsilçisinin rəhbərliyi də Veynaldumu icarəyə verməyə müsbət yanaşır.

31 yaşlı yarımmüdafiəçi ilə “Arsenal” və “Nyukasl” klubları maraqlanır.

Veynaldum bu mövsüm PSJ ilə 23 oyuna çıxıb. O, daha əvvəl İngiltərədə “Nyukasl” və “Liverpul” kimi klublarda forma geyinib.