“Mbappe Messiyə hörmətlə yanaşır və ondan nələrsə öyrənmək istəyir”

PSJ-nin futbolçusu Ander Herrera komanda yoldaşları Kilian Mbappe və Lionel Messi haqda danışıb.

Komanda.az xarici mətbuata istinadən xəbər verir ki, Herrera, Mbappenin Messidən nələrsə öyrənməyə çalışdığını deyib:

“Hamımız Messinin dünyanın “1 nömrəsi” olduğu fikrindəyik. Mbappe uzun illər ən yaxşı futbolçu kimi anılacaq. Mbappe Messiyə hörmətlə yanaşır və ondan nələrsə öyrənmək istəyir. Ən yaxşı futbolçular hər zaman bir-birini daha yaxşı başa düşür. Bu, təbiidir. Nəticədə futbolun dili birdir”.