“Mbappenin yoxluğu bəhanə ola bilməz” – Poçettino

PSJ-nin baş məşqçisi Maurisio Poçettino Çempionlar Liqasının yarımfinal mərhələsində “Mançester Siti”yə məğlub olduqları cavab oyunundan sonra fikirlərini bildirib.

Komanda.az xarici mətbuata istinadən xəbər verir ki, argentinalı mütəxəssis, 0:2 hesabıyla bitən matçla (ilk oyun 1:2) bağlı bunları deyib:

“Mançester Siti”yə həyəcanlı anlar yaşada bildik. MS kimi bir komandaya qarşı belə vəziyyətləri yaratmaq asan deyil. Bəzən şansa da ehtiyac olur, bu gün o yox idi. Kilian Mbappenin yoxluğu bəhanə ola bilməz. Komandamla və futbolçularımla qürur duyuram.

“Mançester Siti”ni təbrik edirəm, möhtəşəm mövsüm keçirirlər. Hər iki oyunda azlıqda qaldıq. Bu, rəqib üçün böyük üstünlük oldu. Futboldur, belə şeylər olur və biz mübarizə apardıq, oyunun içində qaldıq. Günümüzdə deyildik, bunu ilk oyun haqda da demək olar”.