“Napoli” PSJ-nin 200 milyon avroluq təklifini rədd edib

Artıq PSJ-də Lionel Messi-Neymar-Kilian Mbappe üçlüyü yoxdur. Argentinalı və braziliyalı ötən yay, fransalı futbolçu isə bu yay klubdan ayrılıb.

Komanda.az “Corriere dello Sport”-a istinadən xəbər verir ki, indi Paris klubunda hücum xəttini necə gücləndirmək barədə düşünürlər.

PSJ hücumameyilli gürcü yarımmüdafiəçi Xviça Kvaratsxeliya və nigeriyalı hücumçu Viktor Osimhen üçün “Napoli”yə 200 milyon avro təklif edib.

“Napoli” indiki halda yalnız Osimheni satmağa hazır olduğu üçün təklif rədd edilib. İtaliya klubu 23 yaşlı gürcü futbolçunu saxlamağı planlaşdırır.