PSJ Mbappe ilə bağlı qərarını verib

PSJ hücumçusu Kilian Mbappe ilə bağlı qərarını verib.

Komanda.az AS-a istinadən xəbər verir ki, Paris təmsilçisi fransalı forvarda yeni müqavilə təklif etməyəcək. Klub artıq 24 yaşlı futbolçu ilə yolları ayırmağı düşünür.

Mbappe 2017-ci ildən PSJ-də çıxış edir. Onun Fransa klubu ilə hazırkı müqaviləsi 2024-cü ilin iyununa qədər nəzərdə tutulub. O, bu mövsüm bütün turnirlərdə 15 oyun keçirib, 15 qol vurub və 1 məhsuldar ötürmə edib.