“Marsel”dən səfər qələbəsi

Futbol üzrə Fransa çempionatında 34-cü tura yekun vurulub.

Komanda.az xəbər verir ki, ilk oyun günündə üç qarşılaşma baş tutub.

Lider PSJ də bu gün meydana çıxıb. Paris təmsilçisi evdə “Lans”la qarşılaşıb. PSJ bu oyunda qələbəni son anda əldən verib. Amma xal itkisinə baxmayaraq, parislilər sona 4 tur qalmış çempionluğu rəsmiləşdiriblər. Maurisio Poçettinonun yetirmələri 34 turdan sonra 78 xal toplayıb. 62 xalla ikinci pillədə qərarlaşan Marsel “Olimpik”inin liderə çatmaq üçün riyazi şansı da qalmayıb.

Qeyd edək ki, bu, PSJ-nin tarixindəki 10-cu çempionluqdur. Poçettino isə tarixində ilk dəfə bir komanda ilə ölkə çempionu adını qazanıb.

Turun son matçında isə 2-ci pillədə qərarlaşan “Marsel” səfərdə “Reyms”lə üz-üzə gəlib və minimal hesabla qalib gəlib.

Fransa Liqa 1, 34-cü tur

23 aprel

Lion – Monpelye 5:2
Qol: Dembele, 26. Mendes, 43. Auar, 63; 90+1. Ekambi, 68 – Vahi, 45+1. Savanye, 45+3.

Sent-Etyen – Monako 1:4
Qol: Xazri, 42-pen – Ben Yedder, 23. Volland, 25. Kolodzeyçak, 61-öz qapısına. Boadu, 77.

PSJ – Lans 1:1
Qol: Messi, 68 – Jan, 88.

24 aprel

Renn – Loryan 5:0
Qol: Buriqe, 17. Terye, 19. Traore, 47. Tait, 79. Laborde, 90+2.

Klermon – Anje 2:2
Qol: Bayo, 71. Da Kunya, 82 – Ço, 37. Traore, 44.

Mets – Brest 0:1
Qol: Belaili, 27.

Nant – Bordo 5:3
Qol: Kulibali, 47; 72. Manqas, 51-öz qapısına. Simon, 76. Bukari, 89 – Nyanq, 6. Dilrosun, 18. Kvatenq, 67.

Nitsa – Trua 1:0
Qol: Turam, 90+3.

Lill – Strasburq 1:0
Qol: Z.Çəlik, 87.

Reyms – Marsel 0:1
Qol: Jerson, 83.