PSJ futbolçusunu Almaniya klubuna satdı

PSJ müdafiəçisi El-Şaday Bitşiabunu Almaniyanın “Leyptsiq” klubuna satıb.

Komanda.az xəbər verir ki, gənc oyunçu müddəti 2028-ci ilə qədər olan müqaviləyə imza atıb.

O, yeni klubunda 5 nömrəli formanı geyinəcək. Fransa mətbuatında yayılan məlumatlara görə, bu keçid almanlara 15 milyon avroya başa gəlib.

Bitşiabu 2021-ci ildə PSJ ilə peşəkar müqavilə bağlamışdı. O, Paris klubunun əsas komandasında 19 oyun keçirib.