PSJ-dən sonra “Everton”?

Mövsümün sonunda PSJ-dən ayrılacaq Tiaqo Silva karyerasını İngiltərədə davam etdirməyə yaxındır.

Komanda.az xarici mətbuata istinadən xəbər verir ki, “Everton” 35 yaşlı müdafiəçinin xidmətində maraqlıdır. Premyer Liqa təmsilçisi braziliyalı futbolçuya bir illik müqavilə təklif edib. Müqaviləyə anlaşmanı daha bir illik uzatmaq şərti də daxil edilib. Silvanın isə birdəfəlik iki illik müqaviləyə imza atmaq istədiyi bildirilir.

Tərəflər arasında aktiv müzakirələr davam edir.

Silva 2012-ci ildən PSJ-də çıxış edir.