PSJ portuqaliyalı futbolçu ilə vidalaşmaq qərarına gəlib

PSJ yarımmüdafiəçi Danilo Pereyra ilə yollarını ayırmaq qərarına gəlib.

Komanda.az xarici KİV-ə istinadən xəbər verir ki, son mövsümdə Luis Enrikenin əsas 11-liyinə düşməyən portuqaliyalı futbolçu transfer təkliflərini dinləməyə hazırdır.

Pereyranın cari transfer pəncərəsi bağlanmadan ayrılma ehtimalı kifayət qədər yüksək qiymətləndirilir. O, PSJ-nin heyətində 157 oyun keçirib, 10 qol vurub və 3 məhsuldar ötürmə edib.

32 yaşlı futbolçunun parislilərlə müqaviləsi 2024/25 mövsümünün sonunda başa çatır.