PSJ Kavanini onunla dəyişmək istəyir

Fransa Liqa 1-də çempionluğunu rəsmiləşdirən PSJ yeni mövsüm üçün transfer hazırlıqlarına start verib.

Komanda.az xəbər verir ki, Paris təmsilçisi “Atletiko”dan Dieqo Kostanı heyətinə qatmaq niyyətindədir. Bu barədə İspaniya mətbuatı məlumat yayıb.

PSJ Kosta üçün “Atletiko”ya Edinson Kavanini təklif edəcək. Madridlilərin də bu dəyişikliyə müsbət yanaşdığı bildirilir. La Liqada hakimi təhqir etdiyi üçün 8 oyunluq cəza alan Dieqo Kosta da Fransa karyerasına başlamaq niyyətindədir.

Kosta bu mövsüm “Atletiko” formasıyla 21 oyuna 5 qol, Kavani isə PSJ-də 28 oyuna 22 qol vurub.