PSJ – “Barselona” matçının ən yaxşısı bilindi

Çempionlar Liqasının 1/8 final mərhələsinin PSJ (Fransa) ilə “Barselona” (İspaniya) komandaları arasında keçirilən cavab oyununun ən yaxşı futbolçusu məlum olub.

Komanda.az xəbər verir ki, bu, Paris klubunun qapıçısı Keylor Navasdır. Bu barədə turnirin mətbuat xidməti məlumat yayıb. Navas “Barselona” ilə oyunun ilk hissəsində Lionel Messinin penalti zərbəsini dəf edib və ümumilikdə 9 seyvlə yadda qalıb.

İlk oyunda “Barselona”nı 4:1 hesabıyla məğlub edən PSJ, cavab matçında rəqibi ilə “sülh”ə razı olub – 1:1. İki oyunun nəticəsinə görə PSJ 1/4 finala yüksəlib.