Premyer Liqanın oyunlarını Azərbaycanda bu telekanal yayımlayacaq

2023/24 mövsümü üzrə İngiltərə Premyer Liqasının oyunları “İdman” TV-dən yayımlanacaq.

Komanda.az xəbər verir ki, bu barədə “İdman” TV-nin əməkdaşı Rövşən Binnətli sosial şəbəkə hesabında məlumat verib. O, məsələ ilə bağlı bunları deyib:

“İngiltərə Premyer Liqası “İdman” TV-də! Milli çempionatların tacı sayılan əsrarəngiz mübarizədən, təbii ki, azarkeşi olduğunuz komandanın oyunundan zövq almaq arzusu ilə”.

Xatırladaq ki, ötən mövsüm Premyer Liqanın matçları “İctimai” TV-dən yayımlanmışdı.