Premyer Liqanın 2 nəhəngindən Dibalaya maraq

İngiltərənin “Mançester Yunayted” və Londonun “Arsenal” klubları hazırda azad agent statusunda olan argentinalı hücumçu Paulo Dibalanı transfer etməkdə maraqlıdır.

Komanda.az xəbər verir ki, bu barədə İtaliyanın “TuttoNapoli” nəşri məlumat yayıb.

İyun ayında Dibalanın “Yuventus”la müqaviləsi başa çatıb. “İnter” argentinalı hücumçu uğrunda mübarizədə əsas favorit hesab olunurdu. Amma Milan klubu bu transferi həyata keçirmək üçün bir neçə futbolçusundan yaxa qurtarmalıdır.

Bu yaxınlarda “Mançester Yunayted” və “Arsenal” klubları futbolçunun nümayəndələrindən onun transferi ilə bağlı konkret məlumat istəyib. Xəbərdə bildirilir ki, Dibala ildə 6 milyon avro və 4 illik müqavilə istəyir.

Bizi Telegramda izləyin