“Yeni mövsümdə çempionatdakı hər rəqibdən bizə qarşı çox yaxşı oyun gözləyirəm”

İngiltərənin “Liverpul” klubunun futbolçusu Corcinyo Veynaldum yeni mövsümlə bağlı açıqlama verib.

Komanda.az klubun rəsmi saytına istinadən xəbər verir ki, 28 yaşlı yarımmüdafiəçi, yeni mövsümdə daha çox xal toplamağın vacib olduğunu deyib:

“Düşünürəm ki, əvvəldə mümkün qədər çox xal toplamalı və mövsümün sonunda daha yaxşı olacaq bir komanda qurmağa çalışmalıyıq. Hazırda komandanı buna hazırlaşdırmaq çətindir, çünki futbolçularımızın hamısı mövsümöncəsi hazırlıqda iştirak etməyib. İndi bütün komanda geri qayıdıb, biz yenidən çalışa və keçən mövsümdən daha yaxşısını əldə edə bilərik.

Premyer Liqa üçün həyəcanlıyıq. Çox yaxşı hazırlıq keçdik. Yeni mövsümdə çempionatdakı hər rəqibdən bizə qarşı çox yaxşı oyun gözləyirəm. Son mövsümdə qazandığımız uğurlara görə artıq hər kəs “Liverpul”a qalib gəlmək istəyəcək. Oyunlara tam hazırlaşmasaq və əlimizdən gələnin ən yaxşısını etməsək, bizə daha çətin olacaq”.