Premyer Liqa klubundan Runiyə maraq

Çempionşipdə mübarizə aparan “Derbi Kaunti” klubunun baş məşqçisi Ueyn Runi Premyer Liqa komandasının “sükanı arxasına” keçə bilər.

Komanda.az “The Sun”-a istinadən xəbər verir ki, ingilis mütəxəssislə “Bernli” maraqlanır. Klub rəhbərliyi Runinin hazırda Premyer Liqanın turnir cədvəlində 17-ci yerdə olan “Bernli”ni dirçəldə biləcəyinə əmindir.

Runi 2021-ci ilin yanvarından “Derbi Kaunti”yə rəhbərlik edir. Onun rəhbərliyi altında komanda Çempionşipi vaxtından əvvəl tərk edib. Hazırda “Derbi Kaunti” ciddi maliyyə problemi yaşayır.