Premyer Liqa klubundan daha iki transfer

İngiltərənin “Nyukasl” klubu heyətini yeni futbolçularla gücləndirib.

Komanda.az xəbər verir ki, Premyer Liqa təmsilçisi “Bornmut”dan Kallum Uilsonla Rayan Freyzeri transfer edib.

Bu barədə klubun rəsmi saytı məlumat yayıb. 28 yaşlı Kallumla 4, 26 yaşlı Rayanla 5 illik müqavilə imzalanıb.

Freyzer yeni klubuna azad agent statusu ilə keçib. Uilsonun transferi üçün isə “Nyukasl” 20 milyon funt-sterlinqindən keçib.

Kallum Uilson “Koventri Siti”nin yetirməsidir. İngilis hücumçu 2014-cü ildən “Bornmut”un uğurları üçün çalışırdı. O, son illərdə İngiltərə yığmasında da bir neçə oyun keçirib.

Rayan Freyzer isə “Aberdin”in yetirməsidir. O, 2013-cü ildən “Bornmut”da çıxış edir. Şotlandiya yığmasının vingeri 2015/16 mövsümündə icarədə də oynayıb.