Premyer Liqa klubundan baş məşqçisi ilə yeni müqavilə

“Aston Villa” baş məşqçisi Unay Emeri ilə müqavilə müddətini uzadıb.

Komanda.az İngiltərə klubunun mətbuat xidmətinə istinadən xəbər verir ki, 52 yaşlı mütəxəssis 2029-cu ilə qədər “şirlər”ə rəhbərlik edəcək.

İspan məşqçi 2022-ci ildən “Aston Villa”da çalışır. Onun komandası cari mövsüm İngiltərə Premyer Liqasını 4-cü pillədə başa vuraraq tarixində ilk dəfə UEFA Çempionlar Liqasında iştirak etmək hüququ qazanıb.