Premyer Liqa klubunda yeni baş məşqçi

“Kristal Pelas”ın yeni baş məşqçisi müəyyənləşib.

Komanda.az klubun saytına istinadən xəbər verir ki, bu vəzifəyə “Ayntraxt”ın sabiq baş məşqçisi Oliver Qlasner təyin edilib.

49 yaşlı mütəxəssislə 2026-cı ilin iyununa qədər müqavilə imzalanıb.

O, eyni gündə istefaya göndərilmiş Roy Hocsonu əvəz edib.

“Kristal Pelas” İngiltərə Premyer Liqasında 24 xalla 16-cı pillədə qərarlaşıb.