Premyer Liqa klubunda ciddi itki

İngiltərənin “Everton” klubu ciddi itki ilə üzləşib.

Komanda.az xəbər verir ki, Premyer Liqa təmsilçisi yarımmüdafiəçisi Morqan Şnederleni itirib.

Bu barədə klubun rəsmi saytı məlumat yayıb. Məlumatda fransalı futbolçunun fevralın 23-də “Arsenal”a qarşı keçirdikləri oyunda aldığı zədənin ciddi olduğu diqqətə çatdırılıb. Bu üzdən o, dizindən əməliyyat olunub.

30 yaşlı yarımmüdafiəçinin dəqiq bərpa müddəti açıqlanmasa da, Britaniya mətbuatı Şnederlenin ən azı 2 ay yaşıl meydanlardan kənarda qalacağını yazır.

Fransalı futbolçu bu mövsüm “Everton”da 15 Premyer Liqa matçının iştirakçısı olub. Onunla yanaşı, sözügedən klubda Qbaminlə Luka Din də zədədən əziyyət çəkir.