Premyer Liqa klubu 30 milyona futbolçu alır – Aşağı liqadan

“Brayton” klubu Çempionşipdən təxminən 30 milyon funt sterlinqə hücumçu alacaq.

Komanda.az İngiltərə mətbuatına istinadən xəbər verir ki, Premyer Liqa təmsilçisi “Uotford”dan Joao Pedro Xesusun transferinə razılaşıb.

“Qağayılar” həm hücumun mərkəzində, həm də sol cinahda çıxış edən 21 yaşlı braziliyalı futbolçu üçün təxminən 30 milyon funt-sterlinq ödəyəcək. Artıq müqavilə imzalanıb.

Joao Pedro bu mövsüm Çempionşipdə 35 oyunda 11 qol vurub və 4 məhsuldar ötürmə edib.