“Millimizin birinci yeri zəmanətlidir!” – Ronaldo

Portuqaliya millisinin hücumçusu Kriştiano Ronaldo komandasının AÇ-2024-ün seçmə mərhələsində Bosniya və Herseqovina yığması üzərində qazandığı qələbəyə (5:0) münasibət bildirib.

Komanda.az xarici KİV-ə istinadən xəbər verir ki, futbolçu qələbə ilə bağlı sosial şəbəkədə paylaşım edib:

“Bütün komandadan daha bir qələbə və yaxşı oyun! Millimizin birinci yeri zəmanətlidir! Biz hələ də güclüyük!”

38 yaşlı forvard bu görüşdə dubla imza atıb.

Portuqaliya millisi 24 xalla J qrupunda 1-ci yeri tutur.