Portuqaliya klubunda koronavirus şoku

Portuqaliyanın “Vitoriya” (Gimaraynş) klubunda üç futbolçuda koronavirus aşkarlanıb.

Komanda.az xəbər verir ki, bu barədə klubun rəsmi saytı məlumat yayıb.

Xəbərdə bildirilir ki, klubun bütün işçiləri, futbolçu və məşqçi heyətindən koronavirus testi götürülüb. Futbolçulardan üçünün testi müsbət nəticə verib. Onların adı açıqlanmır. Hər üç futbolçu evlərində karantinə alınıblar, vəziyyətlərinin yaxşı olduğu bildirilir.

Komandanın yerdə qalan futbolçularının məşqlərə başlayacağı da diqqətə çatdırılıb.