“Poqbanın transferi çox bahalı olacaq” – “Yuventus” rəsmisi

İtaliyanın “Yuventus” klubunun idman direktoru Fabio Paratiçi “Mançester Yunayted”in yarımmüdafiəçisi Pol Poqba ilə bağlı açıqlama verib.

Komanda.az İtaliya mətbuatına istinadən xəbər verir ki, klub rəsmisi, “qırmızı şeytanlar”dakı gələcəyi müzakirə olunan futbolçunun “qoca sinyora”ya mümkün qayıdışına toxunub:

“Bu, doğru zamanda verilən sual deyil. Poqbanın transferi çox bahalı olacaq. Onu sevirik, əla futbolçu olduğunu bilirik, amma o, hazırda “Mançester Yunayted”dədir”.

Fransalı futbolçu 2012-2016-cı illərdə “Yuventus”un şərəfini qoruyub. Onun “Mançester Yunayted”lə müqaviləsi 2022-ci ilin yayında başa çatacaq.